ललितपुर महाँकालका प्रतिश्पर्धीे हुमागाईले विजेतालाई दिए टिका लगाएर शुभकामना, विपक्षीको गरे प्रशंशा

३ जेठ ०७९, ललितपुर । दक्षिण ललितपुरको महाँकाल गाँउपालिकाका नवनिर्वाचित अध्यक्ष गणेश केसी र उपाध्यक्ष डोल्मा लामा तामाङलाई एमालेका उपाध्यक्षका उम्मेदवार पुरुषोत्तम हुमागाईले विजेता घोषणा भएसँगै टिका लगाइदिएर शुभकामना तथा बधाई दिएका छन् ।
केसी र तामाङ पालिकाको अध्यक्ष र उपाध्यक्ष घोषणा भएपछि उनले शुभकामना दिएका हुन् । उनले उपाध्यक्ष विजेता डोल्मा लामा तामाङलाई गणतान्त्रिक आन्दोलनको लागि आफ्नो ज्यानको आहुती दिन पनि पछि नपरेकी माहाँकालकी चेली भन्दै प्रशंशा समेत गरेका छन् ।

उनले सामाजिक सञ्जालमा लेख्दै भनेका छन्,‘डोल्मा लामा तामाङ लाई न्याय गर्नु भएकोमा महाँकाल गाउँपालिकाका सम्पुर्ण जनसमुदाय हरुलाइ हार्दिक धन्यवाद व्यक्त गर्दछु !’
आफू र आफ्नो टिमलाई मतदान गर्ने मतदातालाई धन्यवाद व्यक्त गर्दै हुमागाईले गाउपालिकामा हाम्रो पार्टीले सरकार चलाइरहदा भएका कमी कमजोरीहरुलाई आत्मालोचनासहित सच्चिएर फेरि पनि अगाडि बढ्ने बताएका छन् । उनले पराजित भए पनि सामाजिक काम गर्ने प्रण गरेका छन् ।
हुमागाई नेकपा एमालेको पालिका अध्यक्ष समेत हुन् ।