टाहाखेल लगनखेल अवरुद्ध बस सेवा आजबाट सुचारु

ललितपुर खबर
५ भदौं ०७९, चापागाँउ । करिव ३ महिनादेखि बन्द चापागाँउ लेलेलगायतका ठाँउबाट लगनखेल रुटमा चल्ने बस सेवा आजबाट सुचारु भएको छ ।
महानगरिय प्रहरी बृत्त चापागाँउका डिएसपि द्घारिका घिमिरेका अनुसार आज विहानबाट प्याङ्गगाँउ टाहाखेल लेलेलगायतका बस सेवा सुचारु गरेको बताए ।
उनले साना मालवाहक गाडी नरोकिने भए पनि तत्काललाई ठूला मालबहाक सवारी भने यो सडकबाट आउन जान पाउदैनन् ।
गत जेठबाट चापागाँउ पाउली सडक ढलानका कारण बन्द साना सवारी साधन केही दिनअघिबाट चलेको थियो । वैकल्पिक सडकको अभावमा यस क्षेत्रमा लामो समयसम्म जनजीवन प्रभावित भएको थियो ।