नेकपा माओवादीले आगामी मङ्सिर ४ गते हुने प्रतिनिधि सभा तथा प्रदेश सभाको ललितपुरको १ र ३ क्षेत्रको चुनावी कमाण्डर एकै परिवारका श्रीमान श्रीमतीलाई बनाउने निर्णय गरेको छ । पार्टीका अनुसार ललितपु क्षेत्र नम्बर १ निर्वाचनको कमाण्ड गर्ने जिम्मा गंगा पराजुली र ३ मा हरि दाहाललाई दिने भएको छ ।
ललितपुरको क्षेत्र नं. २को कमाण्ड भने उर्मिला लामाले सम्हाल्ने छिन् । ललितपुरको क्षेत्र नम्बर ३मा हरि दाहालसँगै पद्मा राई पनि कमाण्डर बनाउने बैठकले निर्णय गरेको छ ।
माओवादी केन्द्र बागमती प्रदेशको आइतबार (१२ भदौ) मा बसेको केन्द्रीय सदस्यसहितको पदाधिकारी बैठकले बाग्मती प्रदेशमा पर्ने सबै जिल्लाका चुनावी कमाण्डर पनि तोकेको हो ।
बैठकले पार्टी अध्यक्ष पुष्पकमल दहाल प्रचण्डले चुनाव लड्ने चितवन क्षेत्र नं ३ को कमाण्डर रेणु दाहाललाई तोकेको छ। बैठकले चितवन क्षेत्र नम्बर १ को चुनावी कमान्डरमा कञ्चन खनाललाई दिएको छ। क्षेत्र नम्बर २ मा घनश्याम दाहाल कमाण्डर तोकिएका छन्।
जसमध्ये, काठमाडौंको १ मा अनिल शर्मा, २ मा कुमार पौडेल, ३ मा बद्री बजगाईं, ४ मा गोविन्द बटाला, ५ मा कल्पना शर्मा, ६ मा हिमाल शर्मा, ७ मा रामबाबु फुयाल,८ मा सरिता श्रेष्ठ, ९ मा शंकर दुलाल र १० मा अञ्जना विसङ्खेलाई मंसिर चार गतेको प्रतिनिधि सभा र प्रदेश सभा चुनावी कमाण्डर बनाएको माओवादीका एक केन्द्रीय सदस्यले जानकारी दिए।
काठमाडौं महानगरभित्रको सबै चुनावी कमाण्ड मुक्ति प्रधानले गर्नेछन्। यस्तै भक्तपुर जिल्लाको क्षेत्र नम्बर १ मा देवेन्द्र श्रेष्ठ र डीपी ढकाल तथा २ को कमान्डरमा दिलीप प्रजापति चयन भएका छन्।
प्रतिक्रिया