ललितपुर एमालेमा प्रभाव बढाउदै प्रभाकर,पौडेलको पनि प्रदेश सासंदमा उम्मेदवारीको आकाँक्षा

ललितपुर खबर
२५ भदौं ०७९, काठमाडौं । पछिल्लो समय युवा नेताको बोलवाला चल्न थालेको छ । काठमाडौं महानगरमा युवा स्वतन्त्र उम्मेदवार वालेन शाहले जितेपछि पछिल्लो समय युवालाई नै राजनीतिमा अघि सार्नु पर्छ भन्ने मनोविज्ञान विकशित भइरहेको छ ।
एकपल्ट नेतृत्वमा परिक्षण भइसकेको नेतालाई अघि बढाउनु जोखिमपूर्ण अवस्था आउने देखेर नेकपा एमालेले पनि नयाँ र युवालाई मौका दिने बताइसकेको छ ।
प्रभाकर थापा ललितपुरको स्थानीय राजनीतिमा पछिल्लो समय प्रभाव जमाउदै छन् । गोदावरी नगरपालिका पालिका कमिटीका अध्यक्ष समेत रहेका प्रभाकरले ललितपुर क्षेत्र नं. १को कबाट प्रदेश सासदको उम्मेदवारी दावी गरेका छन् ।
विद्यार्थी राजनीतिबाट अघि बढेका उनको राजनीतिक यात्रा लोभलाग्दो छ । २०५१ सालमा अनेरास्ववियुको प्रारम्भिक कमिटिमा काम गरेका उनी संगठनकोे केन्द्रिय कमिटीमा समेत काम गरे । नेकपा एमालेको पनि गाउँकमिटि, इलाका कमिटि, क्षेत्रीय कमिटि र जिल्ला कमिटिमा रहेर काम गरेका छन् । २०७८ मा भएको पार्टीको नगर अधिवेशनबाट उनी गोदावरी नगर कमिटिको अध्यक्ष बनेका हुन्।
गएको २०७३ मा पार्टीको क्षेत्रीय अधिवेशनबाट उनी क्षेत्रीय कमिटिको अध्यक्ष बने । २०७४ मा एमाले माओवादी एकीकृत भएर बाम गठबन्धन बनेपछि भएको संसदीय निर्वाचनको समयमा निर्वाचन परिचालन क्षेत्रीय कमिटिको सहसंयोजक भए ।
ललितपुर १ बाट प्रदेश क तर्फ पार्टी प्रदेश कमिटि सचिवालय सदस्य तथा संगठन विभाग सचिव मधुसुदन पौडेल, प्रदेश कमिटि सदस्यहरु रामकृष्ण हुमागाईं, रामचन्द्र दाहाल, जिल्ला कमिटि सदस्य रमेशचन्द्र घिमिरे र गोदावरी नगर कमिटि अध्यक्ष प्रभाकर थापाको प्रदेश सासंदको उम्मेदवारको रुपमा नाम सिफारिस भएको छ ।
जिल्ला कमिटी सदस्य तथा सचिवालय सदस्य कृष्ण सापकोटा हुन् भने पार्टी केन्द्रको सहकारी विभाग सदस्य रामशरण शर्मा घिमिरेको समेत उम्मेदवारीमा दावी छ । गणेश आचार्य महाकाल ६ का वडाध्यक्षको रुपमा काम गरेका थिए ।
जसमध्ये पार्टी प्रदेश कमिटि सचिवालय सदस्य मधुसुदन पौडेल अघिल्लो पल्ट संघीय निर्वाचनमा पराजित भएका थिए । उनी संघीय निर्वाचनमा प्रतिश्पर्धा गरिसकेपछिको अनुभव संगाल्दै प्रदेशको निर्वाचनमा होमिने तरखारमा छन् ।
उम्मेदवारी दावी गर्ने नेता रामकृष्ण हुमागाईं अघिल्लो पल्ट प्रदेश सासंदको उम्मेदवारीको दावी गरेका थिए । त्यसपल्ट उनलाई पार्टीले टिकट दिएन । उनी नेपाली काँग्रेस प्रवेश गरे । काँग्रेस प्रवेश गरेपछि उनी एमालेभित्रको राजनीतिको कटु आलोक थिए । उनी भर्खरै पुन एमाले प्रवेश गरेका हुन्
अर्का प्रत्यासी नेता रामचन्द्र दाहाल महाकाल गाँउपालिकाको ५ बर्षे अध्यक्ष भएर काम गरेका नेता हुन् । रमेशचन्द्र घिमिरे हाल पार्टीको कार्यालय सचिव छन् ।
युवा पुस्तामाझ लोकप्रिय छवि बनाएका थापा उम्मेदवारी पाए आफूले जित्नेमा ढुक्क रहेको बताउछन् । उनी भन्छन्, ‘निर्वाचनमा जीत हासिल गरे जिल्लाको विकाशमा मैले राम्रो योजना ल्याउनेछु । र विकाशमा फट्को मार्ने अवस्थामा पु¥याउनेछु ।’
जिल्लाको राजनीतिमा मधुसुधन पौडेलको प्रभावसँगै पछिल्लो समय प्रभाकर थापा पनि अघि बढेका छन् । उनीलाई केही प्रत्यासीको सहयोग रहने बचन पाएको बताउछन् ।
जिल्लाबाट उम्मेदवारी सिफारिस हुँदा ललितपुरको प्रदेश ख बाट चेतनाथ सञ्जेलको झण्डै सर्वसम्मत भएको थियो । एक दुई जनाको फरक मतका कारण उनी सर्वसम्मत उम्मेदवारको रुपमा सिफारिस भएनन् ।