ललितपुरमा उठ्दिन भन्दा भन्दै उठेछन् जितेन्द्र

ललितपुर खबर
२५ असोज ०७९, ललितपुर । नेपाली काँग्रेसको गएको जिल्ला अधिवेशनको क्रममा जिल्ला सभापतिका प्रत्यासी जितेन्द्र श्रेष्ठले विभिन्न कार्यक्रममा पटक पटक भन्थे । ‘म जिल्ला सभापतिबाहेक कुनै पनि पदमा उठ्दिन ।’

प्रतिबद्धता अनुसार नै उनी स्थानीय निर्वाचनमा उठेनन् । तर समानुपातिकमा उनको नाम सिफारिस भयो । उनले ललितपुर खबरसँग भने, ‘मैले त उठ्दिन भनेको साथीहरुले नाम हालेर पठाइ दिएछन् ।’
तर एकाएक उनी ललितपुर क्षेत्र नं. ३ ख को उम्मेदवार भएर गत आइतबार जावलाखेलस्थित मुख्य निर्वाचनको कार्यालय नेकपा माओवादीकी नेतृ पम्फा भुसाल र राजकाजी महर्जनसँगै पुगे ।
स्वयम् जितेन्द्र भने आफूलाई थाहै नदिइ केन्द्रले उम्मेदवार बनाएको ललितपुर खबरसँग बताए । उनी भन्छन्, ‘मैले त उठ्दिन भनेकै हो ।’
समानुपालिकमा सिफारिस भएका सभापति श्रेष्ठ उकाएक प्रदेससभामा लडेपछि धेरै कार्यकर्ता आश्चार्यमा परेका छन् । उनी भने समानुपातिकमा गरिएको सिफारिस झिकेर फेरि प्रदेसमा पठाइएको बताउछन् ।

काँग्रेसभित्रको यो अतिराजनितीपछि ललितपुर काँग्रेसकै अर्का नेता मदनबहादुर अमात्य रुष्ट छन् । उनी यो गठबन्धन नमान्ने घोषणा गरिसकेका छन् । उनले ललितपुर खबरसँग भने, ‘काँग्रेसभित्र श्री ३ महारानीहरुले पार्टी कव्जा गर्न गठबन्धन ल्याएका हुन् ।’
पार्टी सभापति शेरबहादुर देउवा प्रचण्डको अघि लम्पसार परेपछि यो अवस्था आएको उनको तर्क छ ।
केन्द्रमा गठबन्धन भएसँगै ललितपुर ३ मा प्रतिनिधि सभाका लागि माओवादी केन्द्रको भागमा प¥यो । काँग्रेस र माओवादीलाई प्रदेससभाकोे भागबण्डासँगै उनले उम्मेदवारी दिएका हुन् ।

जालझेलको राजनीति नगर्ने आफू अरुजस्तो नभएको र आफूले बोलेको कुरा नफर्ने उनले बताउने गरेको थिए । (हेर्नुस भिडियो)