ज्यानै लिने धोविघाट मलपोखरीमा पस्न थाले मान्छे

ललितपुर खबर
२ पुस ०७९, ललितपुर । २ वर्ष अघि मल पोखरीमा टिकटक बनाउन भीड बढेपछि सम्भावित दुर्घटनालाई ध्यान दिएर प्रहरीले मल पोखरी जान निषेध ग¥यो । बेला बखत मल पोखरीको दलदलमा परेर मान्छे मर्ने क्रम नरोखिएपछि प्रहरीले यहाँ जान निषेध गरेको हो ।
तर पछिल्लो समय पोखरीभित्र जाने मान्छेको संख्या बढ्न थालेको छ । यहाँ पसेर घाँस काट्ने र फोटो र भिडियो बनेउने क्रम बढेको हो ।
पोखरीभित्र जान स्थानीयहरुले पोखरी छेउमा बाँस प्रयोग गर्ने गरेका हुन् । पोखरीभित्र पुगेर उनीहरु घाँस काट्ने र फर्कने गरेका छन् ।
धोविघाटका रविन्द्र शर्माले यस क्षेत्रका किसान पोखरी माथि हिड्ने गरेकाले अरु मान्छे पनि जाने बताए । उनले भने, ‘यहाँका किसानलाई पोखरीमा हिड्न प्रतिबन्ध लगाए मात्रै सबैको सुरक्षा हुन्छ ।’
महानगरिय प्रहरी परिसरका प्रवक्ता सुधिर शाहीले मल पोखरीमा प्रहरीले राखेको बोर्डको खोज्ी गर्ने बताए । उनले भने ,‘हामी अव सुरक्षा दिन्छौं ।’

बोर्ड हरायो
गएको २ बर्षअघि टिकटक बनाउनेहरुको भीड बढेपछि यहाँ प्रहरीले प्रवेशमा प्रतिबन्ध लगाउदै साइन बोर्ड राखेको थियो । बोर्ड राखेसँगै प्रहरीले माइकिङ र गस्ती समेत गर्न सुरु ग¥यो ।
प्रहरीले नियमित गस्ती गर्न छोडेसँगै यहाँ राखिएका बोर्डहरु हराएका छन् । प्रहरीको अनुपस्थितीमा मल पोखरीमा पसेर यहाँ वरपरका स्थानीयहरु गाई भैसीका लागि घाँस काट्न पस्ने गरेका छन् ।
वर्षाको मेला पोखरीमा पानी धेरै हुनाले स्थानीय किसानहरु पस्न डराउछन् । हिउँद यामममा पानी कम भएपछि उनीहरु पोखरीमाथि हिड्ने गरेका छन् ।
उनीहरु पोखरीमा कही कतै हरियो घाँस देखेको खण्डमा त्यहाँ नजाने गरेको एक किसानले नाम नबताउने शर्तमा बताए । उनका अनुसार जहाँ हरियो घाँस छ त्याँहा डुविन्छ । सुकेको ठाँउमा पानीमाथि धेरै माटो भएका कारण पोखरीमा खुट्टा छिर्दैन ।

कस्तो छ मल पोखरी
मल पोखरी एउटा फोहोर पानीले भरिएको पोखरी हो । पोखरीको माथि लेउ लागेसँगै झार उम्रियो । झारहरु बढ्दै गएपछि जरा फैलदै गयो । २०३५ ३६ सालदेखि उम्रेको झार बढ्दै गएर अहिले पोखरीमाथि हिड्न मिल्ने भएको छ ।
यो पोखरी माथि वन जंगलजस्तै घाँस काट्न मिल्ने भएको छ । पोखरीमाथि हिड्दा जमिन पुरै हल्लिने गरेको छ । पानी छछल्किदा जमिन हल्लिदा व्यालेन्स नमिलेको खण्डमा लड्ने खतरा समेत हुन्छ ।
पोखरीको माथि बेला बेलामा गाई गोरु चर्नेसमेत गरेका छन् ।स्थानीयहरु यस पोखरीमा डुवेर बेला बेलामा गाई मर्ने गरेको बताउछन् ।
मल पोखरीको इतिहास
२०३५ साल ताका सरकारले राजधानीको ढल जम्मा गरेर फोहोर पानीबाट कम्पोष्ट मल बनाउने र सफा पानीलाई वागमतीमा मिसाउने उद्देश्यले स्थानीयहरुलाई मुआव्जा दिएर जग्गा अधिकरण गरेको थियो । मल पोखरीमा शहरका विभिन्न भूभागबाट ढल मार्फत फोहोर ल्याइयो तर मल प्रशोधन उद्योग बनेन । खाली जग्गामा पोखरी बनाएर राखियो । जो अहिलेसम्म पनि पोखरी नै छ ।