गोदावरीमा चप्पल लगाएर म्याराथनमा भाग लिएपछि लोकेन्द्रले पाए पुरस्कार

ललितखबर
२८ फागुन । गोदावरी नगरपालिकाले आयोजना गरेको म्याराथन प्रतियोगितामा चप्पल लगाएर भाग लिएका लोकेन्द्र राईले पुरस्कार पाएका छन् ।
नगरपालिकाले आयोजना गरेको २१ किलोमिटर हाप म्याराथन प्रतियोगितामा उनी सातौं बनेका थिए । उनलाई नगरपालिकामा आयोजित कार्यक्रममा पुर्वस्वास्थ्यमन्त्री गगन थापाले ट्रयाक सुट, जुत्तासँगै १० हजार नगर पुरस्कार प्रदान गरे ।
आफूसँग दौड्ने जुत्ता नभएपछि चप्पल लगाएरै भाग लिएका लोकेन्द्रले ललितखबरसँग बताए । उनलाई प्रोत्साहन स्वरुप पुरस्कार दिइएको नगरपालिकाले जानकारी दिएको छ ।
उनी प्लटुमा अध्ययन गर्ने राई हप्ताको ६ दिन दौड्ने गर्दछन् । आफूलाई दौडमा भाग लिन तीब्र इच्छा भएकोले कपनबाट भाग लिन गोदावरी आएको उनी बताउछन् ।
म्याराथन प्रतियोगितामा चप्पल लगाएरै २१ किलोमिटर पार गरेको कार्यक्रममा देखेपछि प्रोत्साहनका लागि सहृदयीहरुले रकम उठाएर २ हजार १ सय रुपैयाँ कार्यक्रम स्थलमै दिएको उनी बताउछन् ।
राई मोजा र चप्पल लगाएर पुरस्कार थाप्न मञ्च उक्लेका थिए ।
उनी दौडसँगै फुटवल, भलिवल र वास्केटवल खेल्न धेरै रुचि भएको बताउछन् ।
नगरपालिकाले आठौं नगर दिवसको सन्दर्भ पारेर म्याराथन प्रतियोगिता आयोजना गरेको थियो ।