चलचित्रबारे नराम्रो लेखेको भन्दै निर्माता अधिकारीद्वारा साइबर ब्युरोमा निवेदन

आफूले निर्माण गरेको चलचित्रबारे नराम्रो लेखेको भन्दै निर्माता रोहित अधिकारीले साइबर ब्युरो भोटाहिटीमा निवेदन दिएका छन्।

मंगलबार साइबर ब्युरो पुगेर उनले आफ्नो चलचित्र ’माइतीघर’ बारे सामाजिक सञ्जालमा असभ्य र अभद्र कमेन्ट गरेको भन्दै निवेदन दर्ता गराएका हुन्।

’फेसबुक आइडीको स्क्रिनसटको फोटोकपीसहित २०÷२२ जना प्रयोगकर्ताविरूद्ध निवेदन दिएको छु,’ उनले भने।

साइबर ब्युरोले आज निवेदन दर्ता भएको र यस सम्बन्धमा आवश्यक अनुसन्धान हुने जानकारी दिएको छ ।

यसै दशैंको छेको पारेर प्रदर्शनको तयारीमा रहेका चलचित्रहरुबीच लफडा सुरु भएको छ । दशैंमा बलिदान,माइतीघर र हरिबहादुरको जुत्ता प्रर्दशनको तयारीमा छन् । चलचित्रकर्मीहरुको झमेलामा हरिबहादुरको जुत्ताको टिम भने सामेल छैन ।
चलचित्रको विषयलाईं लिएर निर्देशक सन्तोष सेन र अर्का निर्माता दिपकराज गिरी सामाजिक सञ्जालमा वाकयुद्धमा सामेल छन् ।

चलचित्र प्रर्दशनको समय नजिक भइरहेको सन्दर्भमा एकातिर प्रतिष्ठाको लडाई सुरु भएको छ । भनेको धेरैले चलचित्र प्रर्दशनको पुर्वसन्ध्यामा प्रचार रणनीति अन्र्तगत फण्डा श्रृजना गरिएको आकलन गरेका छन् ।