११ फागुन ०७८, काठमाडौं । काठमाडौंको गौशालास्थित पशुपती क्षेत्रको पर्खालमा शिव पार्वतीसहित भगवानको पेन्टिङ बनाइएपछि सुन्दर देखिएको छ । संस्कृति, पर्यटन तथा नागरिक उड्डयन मन्त्री प्रेमबहादुर आलेको निर्देशनमा पाशुपत क्षेत्रको पर्खालमा शिव–पार्वतीसहित भगवानको पेन्टिङ थालिएको हो ।
शिवरात्रिसम्ममा पेन्टिङ सक्नेगरी काम भइरहेको छ । यस वर्षको शिवरात्रि यही १७ फागुनमा परेको छ । ‘वेदर कोेट’को प्रयोग गरेर बनाइएको शिव पार्वतीसहित भगवानको पेन्टिङ १० वर्ष टिक्ने चित्रकारहरूको दाबी छ ।
यहाँ विभिन्न भगवानहरुको चित्र सँगै पर्खाल र रेलिङमा रंग लगाउने काम भइरहेको छ । यो वर्ष शिवरात्रीमा पशुपति क्षेत्रलाई फुलै फूलले सझाउने कार्यक्रम समेत रहेको बताइएको छ ।
न्युज कारखाना
प्रतिक्रिया