ट्रयाक्टर दुर्घटना हुँदा एकजनाको ज्यान गयो

२४ चैत्र ०७८,काठमाडौँ । बुधबार साँझ झापाको दमकमा ट्रयाक्टर दुर्घटना हुँदा दमकमा एकजनाको ज्यान गएको छ । दमक नगरपालिका–१० जहदामा ट्रयाक्टर दुर्घटना हुँदा एकजनाको मृत्यु भएको हो । मृत्यु हुनेमा ट्रयाक्टरमा लेबर काम गर्ने दमक नगरपालिका–८ का अंदाजी २३ वर्षीय विकास ताजपुरिया रहेका छन् ।

घाइते उनको उपचारको क्रममा दमक स्थित एडभान्स अस्पतालमा हिजो साँझ साढे ६ बजे मृत्यु भएको प्रहरीले जनाएको छ ।हिजो साँझ साढे ५ बजे मे १ त ३७४६ नम्बरको ट्रयाक्टर अनियन्त्रित भएर पल्टिएको थियो । ट्रयाक्टर चालक भने फरार रहेकाले खोजी भईरहेको ईलाका प्रहरी कार्यालय दमकले जानकारी दिएको छ ।