असिना पानीले दक्षिण ललितपुरमा क्षति

लपु संवाददाता
७ जेठ ०७६,दलचोकी । दक्षिण ललितपुरमा परेको असिना पानीले किसानको बाली नासिएको छ । असिनाका कारण गहुँ,जौ,मकै, धनियालगायत तरकारी बाली नासिएको हो । यस वर्ष बेला बेलामा पानी परेको कारण तरकारीलगायत हिउदे बाली राम्रो भएको तर पछिल्लो पटक परेको असिना पानीले हिउदेबाली नास गरेको भट्टेडाँडाका केदार घिमिरेले बताए ।
दलचोकी लिलाकुमारी घिमिरेले भने आफ्नो बारीमा रोपेको धनिया र सिमी बिग्रेको वताइन् । उनले भनिन्, यस बर्ष मकै पनि असिनाले पात लुछेको छ । तर सानो भएकोले केही नहोला ।