चापागाँउमा खुल्यो प्रभु बैकको शाखा

लपु संवाददाता
५ साउन ०७६, प्याङ्गगाँउ । दक्षिण ललितपुरको सदरमुकामको रुपमा परिचित चापागाँउका प्रभू बैंकको १ सय ८८औं शाखा खुलेको छ । गोदावरी नगरपालिकाका मेयर गजेन्द्र महर्जनले आइतबार विधिवत रुपमा शाखाको उद्घाटन गरे ।
प्रभु बैकका देशभर १५० भन्दा बढी एटिएम बुथ रहेको छ भने एक्टेन्सन काउन्टर २४ बटा खुलेका छन् ।
यो शाखा खुलेसँगै चापागाँउमा भने बैकको संख्या ९ पुगेको छ ।

बैकका सिइओ अशोक शेरचनले प्याङ्गगाँउमा खुलेको यो बंैकले स्थानीय क्षेत्रमा साना लगानीका क्षेत्रमा सञ्चालित उद्योगमा लगानी गर्ने वताए । उनले भने, ‘बैंकले ७ किसिममा कृषि,महिला उत्थान,दलित उत्थान,वेरोजगार , युवा, प्रविधि र शिक्षामा सहुलियतपूण ऋणमा लगानी गर्नेछ ।’ शेरचनले स्थानीय सरकारसँग मिलेर काम गर्न चाहेको धारणा व्यक्त गरेका थिए ।
नगरका मेयर गजेन्द्र महर्जनले नगरपालिका क्षेत्रमा ५० लाखको रुपैयाको सिसि क्यामेरा जडान गर्न लागेको जानकारी दिदै लगानीकर्ताले ढुंक्क भएर काम गर्न अनुरोध गरे । स्थानीय क्षेत्रमा सञ्चालित खानी र क्रसरमा लगानी गरेर बैंकले लाभ लिन सक्ने उनको सुझाव थियो ।

बैंकका संचालक रमेशसिंह खड्काले बंैकले स्थानीय सरकारको विकाशमा सघाउदै काम गर्न चाहेका वताए । बैकका शाखा प्रमुख दिपक खरेलका अनुसार बैंकले औपचारिक कारोबार आइतबारबाट शुरु गरिसकेको छ । खरेलले भने, ‘बैंकमा आएर अब स्थानीयले खाता खोल्न र पैसा जम्मा गर्न सक्छन् ।’