सिन्धुलीमा मिनिबस दुर्घटना हुँदा ३जनाको मृत्यु ५ जना गम्भी घाईते

१८ असोज ०७६ ललितपुर । काठमाडौंबाट सिरहातर्फ जाँदै गरेको मिनिबस सिन्धुलीमा दुर्घटना हुँदा तीन जनाको मृत्यु भएको छ भने ५ जना गम्भीर घाईते भएका छन् ।

काठमाडौंबाट दसैंमा घर फर्कने यात्रु रिजर्ब लिएर जाँदै गरेको बा ३ ख २३५९ नम्बरको मिनिबस सिन्धुलीको सुनकोसी गाउँपालिका १ आँपघारी नजिकै दुर्घटना भएको । दुर्घटनामा ईनरूवा ८ सिरहाका रामऔतार पण्डित, राजविराज ४ सप्तरीकी लक्ष्मीदेवी देव र बसका मालिक तथा सहचालक दलबहादुर श्रेष्ठको घटना स्थलमै मृत्यु भएको प्रहरीले जानकारी दिएको छ ।

जिल्ला प्रहरी कार्यालय सिन्धुलीका प्रमुख चक्रबहादुर सिंहकाअनुसार दुर्घटनामा ५ जना गम्भीर घाईते भएका छन् । गम्भीर घाईते पाँचै जनालाई उपचारका लागि धुलिखेल अस्पताल पठाईएको प्रहरी प्रमुख सिंहले जानकारी दिनुभयो । अन्य सामान्य घाईतेहरूको स्थानीय अस्पतालमा उपचार भईरहेको छ । दुर्घटनाको कारण खुल्न सकेको छैन । प्रहरीले अनुसन्धान गर्न थालेको जनाएको छ ।