खाल्डोमा डुबेर एकको मृत्यु

१८ असोज ०७६, ललितपुर। चितवनमा पोल्ट्रीफार्मको सुलीले भरिएको खाल्डोमा डुबेर एक जनाको मृत्यु भएको छ ।

खैरहनी नगरपालिका–१ सिमलघारीमा खनाल पोल्ट्रीफार्मले सुली राख्न बनाएको खाल्डोमा डुबेर सोही फार्मका काम गर्नेकर्मचारीको मृत्यु भएको हो ।

आज दिउँसो सुली सफा गर्न जाने क्रममा सोही सुलीमा डुबेर भरतपुर–११ का सूर्यबहादुर कार्कीको मृत्यु भएको प्रहरीले जनाएको छ । कुखुराको सुलीलाई व्यवस्थापन गर्न ठूलो खाल्डो खनिएको थियो । कार्कीको शव निकालेर परीक्षणका लागि भरतपुर अस्पताल ल्याइएको छ ।