![](https://i0.wp.com/www.lalitpurkhabar.com/wp-content/uploads/2019/10/car-accident-chapagaun-road-09072076-2.jpg?resize=720%2C480&ssl=1)
लपु संवाददाता
९ कार्तिक ०७६, सुनाकोठी । चापागाँउरोडमा फेरि अर्को कार दुर्घटनाको खबर छ । सुनाकोठी बाङ्गे धारा नजिकै कार पल्टेको साता नबित्दै शुक्रबार साँझ फेरि अर्को कार पल्टेको हो ।
साझ ८ बजेतिर खुमल्टारको एवान स्टोरका सञ्चालक कमलराज बरालको बा १३ च ३६१३ नम्बरको कार ढोलाहिटी उकालोमा ठोक्किएर दुर्घटनाग्रस्त भएको महानगरिय प्रहरी बृत्त चापागाँउका प्रसनी पुरुषेत्तम थापाले बताए । उनले भने, ‘भित्तोमा ठोक्किएको अवस्थामा कार फेला परेको छ । कार भित्र मदिरा सेवनपछि अर्धचेत अवस्थामा बराल फेला परेका छन् ।’
![](https://i0.wp.com/www.lalitpurkhabar.com/wp-content/uploads/2019/10/car-accident-chapagaun-road-09072076-1.jpg?resize=720%2C451&ssl=1)
सातसाता सुनाकोठी बाङ्गेधारा नजिकै पल्टेको बा २० च ७७५४ नम्बरको सडकबाट पल्टको थियो । कार पल्टनासाथ कार चालक फरार थिए । दुर्घटनाग्रस्त कार फेला पारेको प्रहरीले चापागाँउ लगेपछि भोलि पल्ट राज कुमार राई कार लिन प्रहरी चौकी आएका थिए । कार लचाउने क्रममा दुई वटा बाटो देखेको बताउदै राईले आफूले आफूले मदिरा भने सेवन नगरेको बादी गरेका थिए । तर मदिरा सेवनपछि कार पल्टेको कारण चालक राई फरार रहेको प्रहरीको आशंका रहेको छ ।
दशैंको फुलपातीका दिन यही ठाँउमा मोटर साइकललाई कारले ठक्कर दिदा एक जनाको ज्यान गएको थियो ।
प्रतिक्रिया