मोटरसाइकल दुर्घटना हुदा एककाे मृत्यु एक जना घाइते

२० कार्तिक ०७६, चितवन ।  चितवनमा मंगलबार राति भएको दुर्घटनामा एकको मृत्यु भएको छ र एक गम्भीर घाइते भएका छन् ।
भरतपुर महानगरपालिका–४ लङ्कुमा ना६२प ५९५ नंको मोटरसाइकल आफै अनियन्त्रित भई दुर्घटनामा परेको प्रहरीले बताएको छ ।

दुर्घटनामा मोटरसाइकल चालक वडा नं ४ का २४ वर्षीय दीपक बस्नेतको घटनास्थलमै मृत्यु भएको छ भने मोटरसाइकल पछाडि सवार त्यहि ठाउँ बस्ने २० वर्षीय प्रदीप बस्नेत गम्भीर घाइते भएका छन् । घाइते बस्नेतको चितवन मेडिकल कलेजमा उपचार भइरहेको जिल्ला प्रहरी कार्यालयले जानकारी दिएको छ ।
यसैगरी मृतकको शव परीक्षणका लागि भरतपुर अस्पतालमा राखिएको छ ।