चापागाँउमा धुलोको सास्ती, छेक्न प्लाष्टिकको साहारा

लपु संवादाता
५ पुस ०७६, चापागाँउ । दिनरात सडकको धुलो खान बाध्य चापागाँउबासीले नयाँ उपाय निकालेका छन् । सडकको धुलो पसलमा पसेर सामान बिर्गान थालेपछि ढोकामा प्लाष्टिक टाँगेर सामान जोगाउने उपाय लगाइएको हो ।
चापागाँउका कपडा व्यापारी राजेश चित्रकार धुलोले पसलको कपडा विगार्न थालेपछि प्लाष्टिक टाँगिएको बताउनु भयो । उहाँले भन्नुभयो,‘धुलोले कपडा विग्रन्छ । कपडा फ्याक्नु पर्दा घाटा पर्छ । त्यसैले पसलमा प्लाष्टिक टागेर बसेका छौं ।’

चापागाँउकै जुत्ता व्यापारी रघु श्रेष्ठले भने धुलोबाट बच्न दिनभर पसलमा फ्यान चलाउने गरेको बताउनु भयो । उहाले भन्नुभयो, ‘सडक ग्राइभेल गरेपछि झन् धुलो उड्न थाल्यो । त्यसैले पसलमा फ्यान चलाएर हावा बाहिर फ्याकेका हौ ।’ दुई महिनाअघि ठेचोको सिभिल होमबाट कालोपत्रे शुरु गरिएको भएपनि लामो समय कालोपत्रे नहुँदा धुलोको कारण याहाँको जनजीवन प्रभावित भएको हो ।
स्थानीय विकाश श्रेष्ठले नगरपालिकाले सडकमा पानी नछ्याप्दा स्थानीयबासीलाई कठिन भएको बताउनु भयो । उहाँले भन्नुभयो,‘नगरपालिका कर मात्रै उठाउछ । न धुलो हटाउछ, न त फोहोर नै उठाउछ ।’

चापागाँउ सडकको ठेक्का पाएको सव कन्ट्रटर लालीगुराँस निर्माण सेवाले यो सडक कालोपत्रे गरिरहेको छ ।
लालीगुराँसका ठेकेदार दिपक थापाको अनुसार कालोपत्रेका लागि चिसो चिडोे नसुक्दा लामो समय कालोपत्रे गर्न नसकिएको बताउनु भयो । उहाँले भन्नु भयो,‘कालोपत्रेको क्रममा झरि परेकाले पनि कालोपत्रे गर्न पाइएन ।’
सोमबारबाट कालोपत्रे शुरु हुने थापाले जानकारी दिनुभयो ।