११ असार २०८१, सोमबार | Mon Jun 24 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

मुख्य समाचार


‘पाटनका अग्ला घर लागि भुकम्पका लागि खतरा’


२ माघ २०७६, बिहिबार  

0
Shares

पाटनका लागिकार्यक्रममा बोल्दै संस्कृतीविद् सत्यमोहन जोशी ।

२ माघ ०७६, ललितपुर । खुला ठाँउ जग्गा नछोडी अग्ला घर निर्माण गरिएकोमा चिन्ता व्यक्त गर्दै ललितपुरमा बिहीबार आयोजित कार्यक्रममा फेरि आउने भुकम्पका कारण धेरै मानिसको मृत्यु हुनसक्ने बताइएको छ ।
महानगरपालिकाका उपप्रमुख गीता सत्यालले २०७२ सालको भूकम्पीय जोखिममा परी घर भत्किएका मानिसले अझै पनि मापदण्डअनुसारको जग्गा छाडेर घर नबनाएका हुँदा फेरि भूकम्प आउँदा धैरै मानिस हताहत हुनसक्ने बताउनुभयो । “पाटनका शहरी बस्तीमा दिनानुदिन अग्ला भवन निर्माण भइरहँदा अब आउने भूकम्पले धेरै मानिसको जीवन क्षति पु¥याउने छ, पाटनमा सम्भाव्य जोखिम न्यूनीकरणका लागि निजी घर बनाउने जनताले भूकम्प निर्माण आचारसंहितालाई अनिवार्य लागू गर्नुपर्छ”, उहाँले भन्नुभयो ।
कार्यक्रममा वाङ्मय शताब्दी पुरुष सत्यमोहन जोशीले विसं १९९० को भूकम्पको सम्झना गर्दै आफूहरु त्यस बेला काठमाडौँको टँुडिखेलमा गएर रात बसेको स्मरण गर्नुभयो । उहाँले भन्नुभयो, “त्यस बेला टँुडिखेल एशियाको सबैभन्दा ठूलो ठाउँ थियो । हाल टुँडिखेल सानो बन्दै गएको हुँदा त्यसको संरक्षणमा सरकारले ध्यान दिनुपर्ने देखिन्छ ।” विगतमा टुँडिखेलबाट देखिने हिमाल र पहाड हाल यहाँ बनेका अग्ला घरका कारण छेकिन पुगेको गुनासो जोशीले गर्नुभयो । ललितपुरका प्रजिअ भगीरथ पाण्डेले भविष्यमा दोहोरिने सङ्कटको विचार गरी निजी घर बनाउन आग्रह गर्नुभयो । यसअघि जावलाखेल चोक वडा नं ४ वडा कार्यालय अगाडिबाट निक्लेको प्रभातफेरी पाटन दरबार स्क्वायर हुँदै भूकम्प स्मारक प्राङ्गणमा पुगी स्मृतिसभामा परिणत भएको थियो ।

प्रकाशित मिति : २ माघ २०७६, बिहिबार  ४ : ०८ बजे