महोत्तरी वन कार्यालयका रेन्जर १५ हजार घुससहित पक्राउ

१७ माघ ०७६,महोत्तरी । अख्तियार दुरुपयोग अनुसन्धान आयोगले १५ हजार घुससहित वन कार्यालयका रेन्जर पक्राउ गरेको छ । प्रक्राउ पर्नेमा जलेश्वर सब डिभिजन वन कार्यालय,बखरी महोत्तरीमा कार्यरत रेन्जर राम अशिष यादव रहेका छन् ।

घरायसी चिरान काठ लोड गरेको ट्याक्टर नियन्त्रणमा लिइ घुस माग गरेको गोप्य सूचनाको आधारमा यादवलाई पक्राउ गरिएको अख्तियारका प्रवक्ता प्रदीपकुमार कोइरालाले जानकारी दिनुभयो ।

आयोगको बर्दिवासको टोलीले यादवलाई जिल्ला सहकारी वकिलको कार्यालयबाट १५ हजार घुस लिइसकेको अवस्थामा उनलाई रङगेहात पक्राउ गरेको अख्तियारले जनाएको छ । घटनाबारे अनुसन्धान भइरहेको प्रवक्ता कोइरालाले बताउनुभयो ।