शहिद स्मारक ए डिभिजन लिगको उपाधि मच्छिन्द्रलाई

३ फाल्गुन ०७६ काठमाडौं । यो बर्षको शहिद स्मारक ए डिभिजन लिगकोे उपाधि मछिन्द्र फुटबल क्लबले जितेको छ । अन्तिम खेलमा जित्नैपर्ने दबाबसहित मैदानमा उत्रिएको मछिन्द्रले त्रिभुवन आर्मी क्लबलाई १–० ले हराएर उपाधि जितेको हो ।

त्यस्तैगरि मछिन्द्रले आत्मघाती गोल उपहार पाएर उपाधि पोल्टामा पार्न सुनिश्चित गरेको हो । आर्मीका विकास तामाङले ३४ औं मिनेटमा आत्मघाती गोल गरेका थिए । मछिन्द्र १३ खेलमा ३१ अंकसहित शहीद स्मारक लिगको च्याम्पियन बन्न सफल भएको हो ।

अन्तिम खेलमा बराबरी गरेता पनि उपाधि जित्न सक्ने अवस्था रहेपनि आर्मीले बराबरी गोल फर्काउन नसक्दा उपाधि गुमाउन पुगेको छ ।