सडक कालोपत्र नगरेको भन्दै स्थानीयले बन्द गरे सुनाकोठी सडक

लपु संवाददाता
१६ कात्तिक ०७७,सुनाकोठी । सडक कालोपत्र नगरेको भन्दै ललितपुर सुनाकोठीबासीले सडक बन्द गरेर प्रर्दशनमा उत्रेका छन् ।
स्थानीय युथ २६ ग्रुप,नेवाजलगायत स्थानीयबासीहरुको समर्थनमा चिवाहालदेखि सुनाकोठी चौतारामा अवरोध राखेर स्थानीयबासी सडकमा नाराबाजी गरेर बसीरहेका छन् ।

राष्ट्रिय झण्डा  बोकेर स्थानीयबासीहरु नाराबाजी गरिरहेका छन् भने नेवारी धिमे बाजा सहित प्रर्दशन भइरहेको छ ।
नेवाज क्लवका अध्यक्ष निरोज महर्जनले कालोपत्रे भइसकेपछि मात्रै सडक खोल्ने बताए । उनले भने,बेला बेलामा देखावटी काम गरेजस्तो गरेर हामीलाई झुक्याइएको छ । अव हामी सहदैनौं ।

दिउसो गाडी गुड्दाधुलोले सास्ती दिएकाले सडक बन्द गरेको उनको भनाई छ । विहान १० बजे बन्द गरिउको सडक साँझ ५ बजेसम्म बन्द हुने उनले बताए ।

प्रर्दशनकारीहरुले सुरक्षाकर्मी र प्रेसलाई समेत अवरोध गरिरहेका छन् ।

साँझ ५ बजे मिटिङ्ग आयोजना गरिएकाले थप कार्यक्रम सार्वजनिक हुने उनले बताए ।

दिउँसो गाडी गुड्दाधुलोले सास्ती दिएकाले सडक बन्द गरेको उनको भनाई छ । विहान १० बजे बन्द गरिएको सडक साँझ ५ बजेसम्म बन्द हुने उनले बताए ।

प्रर्दशनकारीहरुले सुरक्षाकर्मी र प्रेसलाई समेत अवरोध गरिरहेका छन् । २०७२ सालमै सैलुङ्ग कन्ट्रक्सनले ठेक्का पाएको यो सडकको गत बर्ष नै समय सकिएको थियो । सडक विस्तार र कालोपत्रे गर्ने कार्यादेश पाएको यस ठेक्काका लागि सरकारले मुआव्जा र क्षतिपूर्ति दिएर स्थानीयबासीको घर भत्काउन नसक्दा समय गुज्रेको थियो ।
२०७६ सालमा स्थानीय राजनीतिक दल सँग छलफलपछि सातदोवाटोबाट टाहाखेलसम्म यथास्थितीमा कालोपत्रे गर्ने निर्णय भएको थियो ।