सुनको मूल्य प्रतितोला रु ६ सयले ह्रास

१४ मंसिर ०७७, काठमाडौं । स्थानीय बजारमा आज आइतबार पहेंलो धातुको मूल्य प्रतितोला रु ६ सयले घटेकोे छ । नेपाल सुनचाँदी व्यवसायी महासङ्घका अनुसार छापावाला सुन प्रतितोला रु ९० हजार ७ सयमा कारोवार भएको छ । शुक्रबार छापावाला सुन प्रतितोला रु ९१ हजार ३ सयमा कारोवार भएको थियो ।
तेजाबी सुन आज प्रतितोला रु ९० हजार २ सयमा कारोवार भएको छ । शुक्रबार तेजाबी सुन प्रतितोला रु ९० हजार ८ सयमा कारोवार भएको थियो । यस्तै चाँदी आज प्रतितोला रु एक हजार १ सय ५० मा कारोवार भएको छ । शुक्रबार चाँदी प्रतितोला रु एक हजार १ सय ६५ मा कारोवार भएको थियो । शुक्रबारका तुलनामा आज चाँदी प्रतितोला रु १५ ले घटेको हो ।