खोकनाको मुआव्जा विवाद मिलाउन प्रधानमन्त्री ओलीको निर्देशन

१९ मंसिर ०७७, काठमाडौं । प्रधानमन्त्री केपी शर्मा ओलीले खोकनाको मुआव्जा विवाद मिलाउन सम्बन्धित सरकारी निकायहरुलाई निर्देशन दिएका छन् । प्रधानमन्त्री निवास बालुुवाटारमा शुक्रबार आयोजित रक्षा मन्त्रालयको यस आर्थिक वर्षको पहिलो चौमासिक प्रगति समीक्षा तथा मन्त्रालस्तरीय विकास समस्या समाधान समितिको बैठकमा सो निर्देशन दिएका हुन् ।
प्रधानमन्त्रीले खोकनाको जग्गा विवाद मिलाउन अर्थ, भौतिक पूर्वाधार तथा यातायात, राष्ट्रिय योजना आयोग, र रक्षा मन्त्रालय तथा नेपाली सेनालाई पहल गर्न निर्देशन दिएका थिए ।
ललितपुरको खोकनाको द्रुतमार्गको जग्गाको मुआव्जा विवादमा विषयमा सरकारलाई संस्कृति र जातीय चित्रण गर्न खोजिएको भन्दै प्रधानमन्त्री केपी शर्मा ओलिले असन्तुष्टि व्यक्त गरेका छन् । प्रधानमन्त्री ओलीले विकास निर्माणको काममा राजनीतिक स्वार्थका आधारमा जातीय र सांस्कृतिका नाममा विकास विकाश निर्माणमा अवरोध नपु¥याउन अनुरोध गरे ।
मुआव्जा विवादको विषयमा सरकारलाई संस्कृति र जातविरोधी चित्रण गरेर फाइदा उठाउनेलाई सम्झाइबुझाइ गर्नुपर्ने प्रधानमन्त्रीको धारणा थियो ।
। प्रधानमनत्री ओलीले सरकारले सम्पदा पुनःनिर्माण गरिरहेको र विकास निर्माणका क्रममा सम्पदालाई असर नपर्ने गरी काम गरिने बताए ।
प्रधानमन्त्री ओलीले भने, ‘खोकनाका देवताका मठमन्दिर पनि उठाउन लागियो भन्ने गलत कुरा फैलाएर स्थानीयवासीको भावनामा खेल्न खोजिएको छ । जनप्रतिनिधि र नेताहरु उल्टै समस्या बल्झाउन लागेका छन् ।’