ललितपुर मेयर कपमा लुम्बिनी र प्रदेश १ भिड्दै

२३ चैत ०७७, ललितपुर । ललितपुर मेयर कप महिला टी–ट्वान्टी क्रिकेटमा आज लुम्बिनी र प्रदेश १ बीच खेल हुँदैछ ।
खेल कीर्तिपुर मैदानमा दिउँसो एक बजे सुरु हुनेछ । आइतबार भएको खेलमा मेयर–११ ले लुम्बिनी प्रदेशलाई २७ रनले हराएको थियो ।

प्रतियोगितामा एपीएफ, प्रदेश–१, सुदूरपश्चिम, लुम्बिनी प्रदेश र ललितपुर मेयर्स–११ सहभागी छन् । शीर्ष दुई टोलीबीच चैत २८ गते फाइनल खेल हुनेछ ।

प्रतियोगिताको विजेताले ३ लाख र उपविजेताले १ लाख ५० हजार रुपैयाँ पुरस्कार पाउने छन्