सुनचाँदीको भाउ बढ्यो

२६ चैत ०७७, काठमाडौं । बिहीबार सुनको भाउ तोलामा १ हजार रुपैयाँले बढेको छ। बिहीबार सुनसँगै चाँदीको भाउ पनि प्रतितोला १५ रुपैयाँले बढेको नेपाल सुन चाँदी व्यवसायी महासंघले जनाएको छ।छापावाला सुन प्रतितोला ८९ हजार रुपैयाँमा खरिद बिक्री भइरहेको छ भने तेजाबी सुन प्रतितोला ८८ हजार ५५० रुपैयाँमा कारोबार भइरहेको महासंघले जनाएको छ।

अघिल्लो दिन बुधबार छापावाला सुन प्रतितोला ८८ हजार र तेजबी सुन प्रतितोला ८७ हजार ५५० रुपैयाँमा कारोबार भएको थियो।

यता चाँदीको भाउ पनि तोलामा १५ रुपैयाँले बढेर प्रतितोला १ हजार २६० रुपैयाँ पुगेको छ। अघिल्लो दिन चाँदी प्रतितोला १ हजार २४५ रुपैयाँमा कारोबार भएको थियो।