सुनको मूल्य प्रतितोला ५ सयले बढ्याे

२१ असोज ०७८, काठमाडौँ । दसैँको पहिलो दिन सुनको मूल्य प्रतितोला रु ५०० सयले बढेको छ ।  छापावाल सुन बुधवार प्रतितोला रु ८९ हजार ९०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज छापावाल सुनको मूल्य प्रतितोला रु ९० हजार ४०० तोकिएको छ ।

त्यस्तै तेजाबी सुनको बजार मूल्य आज प्रतितोला रु ८९ हजार ९५० पुगेको छ । बुधवार प्रतितोला रु ८९ हजार ४५० मा तेजाबी सुनको कारोबार भएको थियो ।

महासङ्घका अनुसार लगातार चार कारोबार दिन स्थिर रहेको चाँदीको मूल्य आज प्रतितोला रु १० ले बढेर एक हजार १७० कायम भएको छ  । चाँदी बुधवार प्रतितोला रु एक हजार १६० मा कारोबार भएको थियो ।