पेट्रोलियम पदार्थको मूल्यवृद्धिविरुद्ध विद्यार्थीहरूद्वारा निगम घेराउ

काठमाडौं । चैत ६ गते
नेपाल आयल निगमको केन्द्रीय कार्यालयमा पेट्रोलियम पदार्थको मूल्यवृद्धिविरुद्ध विद्यार्थीहरूले घेराउ गरेका छन् ।आइतबार नेत्रविक्रम चन्द ‘विप्लव’ नेतृत्वको नेकपानिकट विद्यार्थी संगठन अखिल (क्रान्तिकारी)मा आबद्ध विद्यार्थीले तत्काल पेट्रोलियम पदार्थको मूल्यवृद्धि फिर्ता लिनुपर्ने माग राख्दै घेराउ गरेका हुन् ।उनीहरूले ‘मूल्यवृद्धि खारेज गर’, ‘बढ्दो महँगी नियन्त्रण गर’ लगायत नारा लगाएका थिए ।

उनीहरूले विद्युतीय सामग्रीको प्रयोगमा प्रोत्साहन गर्नुपर्ने पनि बताएका छन् ।पछिल्लोपटक वृद्धि भएको मूल्यानुसार पेट्रोल प्रतिलिटर १५५ र डिजेल तथा मट्टिटेल प्रतिलिटर १३८ रुपैयाँ पुगेको छ ।