नेपाल सरकारलाई चीनले हस्तान्तरण गर्‍यो विमानस्थल

१३ चैत्र ०७८, काठमाडौं । चीनले पोखरामा निर्माण भैरहेको विमानस्थल नेपाल सरकारलाई हस्तान्तरण गरिएको छ । चिनियाँ विदेशमन्त्री याङ यीले परराष्ट्र मन्त्री नारायण खड्कालाई विमानस्थलका चावी हस्तान्तरण गरेका हुन् । प्रधानमन्त्री शेरबहादुर देउवाको उपस्थितिमा बालुवाटारमा यीले सुनको चावी खड्कालाई दिए । नेपालको तीन दिने भ्रमणमा रहेका यीको उपस्थिति भएको अवसर पारेर निर्माण कम्पनीले विमानस्थल सरकारलाई सुम्पिएको हो ।विमानस्थलको ७ प्रतिशत निर्माणको काम बाँकी छ भने मेजर काम पूरा भएको छ । तर सबै काम नसकिएको आयोजना प्रमुख विनेश मुनन्कर्मीले बताए । ‘सांकेतिक रुपमा चावी हस्तान्तरण गरिएकोर पूरै प्रोजेक्ट नसकिएको उनको भनाई छ ।

उनले चावी हस्तान्तरणपछि पनि निरन्तर काम भइरहने बताए ।खासगरी डेकोरेशन, फिनिसिङ लगायतका काम बाँकी छ । प्रधानमन्त्री निवासमा चावी हस्तान्तरणपछि संस्कृति, पर्यटन तथा नागरिक उड्डयनमन्त्रीले बताए । अब पोखरा र नेपालको विकासको ढोका खुलेको बताए । विमानस्थल बनेर मात्र न हुने बताउँदै सकेजति प्रयोग गर्नु पर्ने उनको भनाई छ । पर्यटन व्यवसायीहरुलाई लगानी बढाउन र तारे होटल थप्न उनको आग्रह छ ।चिनियाँ निर्माण कम्पनी सिएएमसीईका अध्यक्ष ली आईसिनले यो एयरपोर्ट दक्षिण एसियाली मुलुककै लागि यातायातको हव बन्ने बताए । ‘विगत केही वर्षको मेहनतपछि पोखरेली जनताले दशकौंदेखि प्रतिक्षा गरिरहेको एयरपोर्ट अन्ततः पूरा भएको र चाँडै सन्चालनमा ल्याइने बताए ।

उनले ‘विमानस्थल चलेपछि पर्यटन र आर्थिक विकासलाई टेवा पुग्ने बताए । ’२२ मे २०१४ मा सिएएमसीईले नेपाल नागरिक उड्डयन प्राधिकरणसँग परियोजना निर्माण सम्झौतामा हस्ताक्षर गरेको थियो । अप्रिल २०१६ मा शिलान्यास भएको थियो । तर, लोन प्रक्रियाका कारण निर्माणको चरणमा जान एक वर्ष लाग्यो । २०२० को कोभिड भाइरसका कारण निर्माणमा असर पुग्यो । ५ वर्षपछि निर्माण सकेर सन्चालनमा ल्याउन लागिएको छ ।पोखरा विमानस्थलमा २५ सय मिटर लामो धावनमार्ग छ ।

विभिन्न १४ वटा भवन निर्माण भएका छन् । करिब २२ अर्ब लागतमा निर्माण हुन लागेको विमानस्थलको खर्च चीनकै एक्जिम बैंकले सहुलियतपूर्ण ऋण सहयोग गरेको हो । आउँदो १० जुलाईमा विमानस्थलको सबै काम सकेर सरकारलाई हस्तान्तरण गर्ने योजना छ । यसअघि गएको १० जुलाईमै हस्तान्तरण गर्ने तयारी गरिएकोमा कोरोना संक्रमणका कारण एक वर्ष ढिलो भएको हो । विमानस्थलबाट आगामी वैशाखमा परीक्षण उडान गर्ने तयारी छ । तर, त्यसका लागि आवश्यक काम भने पूरा भएका छैनन् । निर्माण कम्पनीले चावी हस्तान्तरण गरेपछि नेपाल सरकारले कम्पनीलाई कदर पत्र दिएको छ ।