उपराष्ट्रपति पुनद्वारा बैंकर प्रवास राई सम्मानित

२० चैत ०७८, काठमाडौँ । शाइन रेसुङ्गा डेभलपमेन्ट बैंक लिमिटेडका मानव संशाधन तथा ब्रान्डिङ प्रमुख प्रवास राईलाई उपराष्ट्रपति सम्माननीय श्री नन्दबहादुर पुनद्वारा स्वर्ण पदकले सम्मान गरिएको छ ।
प्रेसिडेन्सियल बिजनेस स्कुलको बीबीए र एमबीए स्नातक समारोहमा दउनलाई स्वर्ण पदकले सम्मान गरिएको हो ।
राईले आफ्नो अघिल्लो रोजगारदाता रोलिङ प्लान्सलाई काम र अध्ययनलाई सन्तुलनमा राख्न मद्दत गरेकोमा धन्यवाद दिए भने आफ्नो शिक्षामा विश्वास गर्ने र आफ्नो सिकाइलाई व्यावहारिक क्षेत्रमा अनुवाद गर्ने अवसर प्रदान गरेकोमा शाइन रेसुङ्गा डेभलपमेन्ट बैंक लिमिटेड लाई पनि धन्यवाद दिए। राई नेपालको बैंक तथा वित्तीय क्षेत्रमा व्यवस्थापकीय तहमा सबैभन्दा कान्छो बैंकरको रूपमा पनि चिनिन्छन् ।
अमेरिकाको वेस्टक्लिफ युनिभर्सिटीसँग आबद्ध प्रेसिडेन्सियल बिजनेस स्कुलको एमबीए संकायमा ४ मा ४ सीजीपीए ल्याएकोमाराईलाई भ्यालेडिक्टोरियन सम्मानअन्तर्गत स्वर्ण पदकबाट सम्मानित गरिएको हो । भ्यालेडिक्टोरियन संयुक्त राज्य अमेरिका, क्यानडा आदिमा प्रयोग हुने उच्चतम शैक्षिक सफलताको सम्मान मानिन्छ ।
एमबीए संकायका राईजस्तै बीबीए संकाय बाट पूजा महर्जनलाई पनि स्नातक समारोहमा प्रतिष्ठित भ्यालेडिक्टोरियन उपाधिले सम्मान गरिएको थियो ।