गोदावरीमा सुपरहिट चलचित्र चपली हाइटका नायक बने वडाध्यक्ष

२ जेठ ०७९, ललितपुर । सुपरहिट चलचित्र चपली हाइटका नायक राज घिमिरे ललितपुरस्थित गोदावरी नगरपालिका ३ गोदावरीका वडाध्यक्षमा विजयी भएका छन् ।
नेकपा माओवादी केन्द्रबाट वडाध्यक्षमा उम्मेदवारी दिएका नायक घिमिरेले १०५९ मत ल्याएर वडाध्यक्ष जितेको नगरपालिकाले जानकारी दिएको छ ।

निजामती सेवाको जागिर छोडेर राजनीतिमा होमिएका एमालेका उम्मेदवार आचार्यले १० मतले पराजय भएका हुन् । उनका निकटम प्रतिश्पर्धी श्रीराम आचार्यले १०४९ पाएका छन् ।
एमालेका उम्मेदवार आचार्यले नायक घिमिरे विजय भएपछि सामाजिक सञ्जालमा लेखेर बधाई दिएका छन् । नायक घिमिरे पछिल्लो समय चलचित्र क्षेत्रबाट अलग हुँदै नेकपा माओवादी केन्द्रमा सक्रिय छन् ।

नायक घिमिरेले कोरोना माहामारीमा गोदावरीमा धेरै सामाजिक सहयोग गरेकोले आफूले स्थानीयको मन जितेर विजयी भएको बताए । उनले भने,‘राजनीतिमा जनताको सेवा गर्न आएको हुँ ।’
घिमिरे यसअघि २०७४ सालमा पनि वडाध्यक्षमा प्रतिश्पर्धा गरेका थिए । ललितपुरको गोदावरी नगरपालिकाको ३ नम्बर वडा एमाले सासंद तथा पुर्व डिआईजि नवराज सिलवालले भोट हालको वडा हो ।

उनले चलचित्र भिजलान्ते सँगै धेरै म्युजिक भिडियोमा समेत अभिनय गरेका छन् ।।