नायिका मिरुना र गणेशको ’सोल्टिनी क्या राम्री’ सार्वजनिक

२० जेठ ०७९, काठमाडौं । पछिल्लो समयकी लोकप्रिय नायिका मिरुना मगरसँग गणेशमान घलेले अनस्क्रिन रोमान्स रहेको भिडियो सार्वजनिक भएको छ । प्रेम र रोमान्सलाई कलात्मक शैलीमा देखाइएको भिडियोमा गरेका छन् । लोकपप गायक सुनिल गिरीको नयाँ गीत ’सोल्टिनी क्या राम्री’को भिडियो सार्वजनिक गरिएको हो । गायक गिरीकै अफिसियल युट्युब च्यानलबाट बजारमा आएको भिडियो सोल्टिनीको तेस्रो सिरिज हो । जसमा गायक गिरीकै शब्द सृजना, संगीत र स्वर छ भने एरेन्ज कृष्ण विकले गरेका छन् ।
५ सय बढी गुरुङ वस्ती रहेको लमजुङको भुजुङ गाउँमा छायांकन गरिएको सोल्टिनी क्या राम्रीको छायांकन विवेक विकले गरेका हुन् भने सम्पादन मनोज कार्कीले गरेका हुन् । भिडियोको निर्देशन गायक गिरी स्वयंले नै गरेका हुन् । न्युज कारखाना