ह्वात्तै घट्यो सुनको मूल्य

३१ जेठ ०७९,काठमाडौं । सुनचाँदी बजारमा आज छापावाल सुनको मूल्य प्रतितोला रु एक हजार ८ सय ले घटेर रु ९७ हजार १ सयमा आएको छ । पहेंलो धातु अघिल्लो दिन प्रतितोला रु ९८ हजार ९ सयमा कारोबार भएको थियो ।नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९६ हजार ६ सय छ । यसको मूल्य अघिल्लो दिन प्रतितोला रु ९८ हजार ४ सय थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु २० ले घटेर रु एक हजार २ सय ४५ कायम रहेको महासङ्घले जनाएको छ ।