काठमाडौंको लाजिम्पाटमा बसबाट बाहिर टाउको निकालेका विद्यार्थीको रूखमा ठोक्किएर मृत्यु

१८ कात्तिक ०७९, काठमाडौं । काठमाडौं महानगरपालिका २ लाजिम्पाटस्थित बेष्ट इलेमेन्ट्रि मन्टेस्वरी स्कुलका विद्यार्थी काठमाडौं सामाखुसी बस्ने १३ वर्षीय आयुष्मान दाहालको रूखमा टाउको ठोक्किएर बुधबार दिउँसो मृत्यु भएको छ ।
बा.१ क ४६४२ नम्बरको स्कुल बसमा घर फर्कने क्रममा् गाडिको सिटबाट टाउको झ्याल बाहिर निकाल्दा रूखमा ठोक्किएर गम्भीर घाइते घएका उनको टिचिङ अस्पतालमा उपचारको क्रममा मृत्यु भएको हो ।
दुर्घटनापछि बस चालकलाई प्रहरीले नियन्त्रणमा लिनुका साथै दुर्घटनाका सम्बन्धमा आवश्यक अनुसन्धान गरिरहेको जानकारी दिएको छ ।