चलचित्र ‘छक्का पञ्जा ४’ को गीत सार्वजनिक

काठमाडौं
१६ माघ । चलचित्र ‘छक्का पञ्जा ४’ पहिलो गीत सार्वजनिक गरिएको छ ।
उक्त गीतमा स्वस्तिमा खड्का, दीपाश्री निरौला, दीपकराज गिरी, राज आचार्यलगायत देख्न सकिन्छ ।
आमा सरस्वती मुभिजको ब्यानरमा निर्माण फिल्ममा दीपकराज गिरी, दीपाश्री निरौला, बेनिशा हमाल, मलिना जोशी, केदार प्रसाद घिमिरे (माग्ने बुढा), राज आचार्य लगायतका कलाकार रहेका छन् ।
लोक शैलीको यस गीतमा हेमराज बिसिले निर्देशिन गरेका छन् भने नरेन्द्र मैनालीको छायांकन गरेका छन् यस चलचित्रको कार्यकारी निर्माता केदार प्रसाद घिमिरे र निर्मल शर्मा छन् ।
सार्वजनिक गीतमा डेभिड शंकर र सहिमा श्रेष्ठको स्वर, राजेन्द्र थापाको शब्द रचना र दीपक शर्माको संगीत छ । चुनावको पृष्ठभूमिमा तयार पारिएको गीतमा कविराज गहतराजको कोरियोग्राफी छ ।
फागुन १९ गते देशभर प्रदर्शनमा आउने फिल्मको सोमबार दर्शन सलाम बोलको गीत युटुयुबबाट सार्वजनिक गरिएको हो ।