वागमतीको पर्यावरण दुश्चक्रमा (तस्विरहरु)

ललित खबर, ललितपुर
२७ फागुन । काठमाडौं उपत्यकाको सभ्यताको सेतु वागमती नदि अहिले फोहोर छ ।
धेरै राजधानीबासी वागमतीमा फोहोर फ्याक्ने गर्दछन् । वागमतीको सुकुम्बासी बस्ती वरपर फोहोर देखिन्छ । नगरपालिकाले फोहोर फ्याक्दा शुल्क लिने हुँदै धेरै गरिव परिवार वागमती नदिमै फोहोर फ्याक्छन् । यहाँ बस्ने रैथाने किसानले नदि किनारमा बुढो गाई गोरु छाडिदिने गरेका छन् ।

नदि वरपरको बस्ती मात्रै होइन यहाँ भर्खरै सरकारले करिडोर खेलेपछि बनेको बजारको फोहोर समेत व्यापारीले नदिमै फ्याक्ने गरेका छन् ।

वागमती फोहोर हुँदा यहाँको पर्यावरणमा गम्भिर असर परिरहेको छ । नदि किनार वरपर चर्को घाम लाग्दा र हावा चल्दा फोहोर पानीको गन्धले बस्नै नसक्ने अवस्था छ ।
राजधानीको जैविक विविधताको एक मात्रै पर्याय वागमती मृतप्रायः हुँदा विस्तारै काठमाडौं बस्नलायक सहर नबन्ने अवस्था श्रृजना हुँदै गएको छ ।

वागमती सरसफाई झण्डै १० बषैदेखि निरन्तर चलिरहेको छ । एकातिर अभियन्ताहरु वागमती सफा गर्न सधै नदि किनारमा पुग्छन् अर्कोतर्फ फोहोर फ्याक्ने क्रम उस्तै छ ।
लेन्स : ललित खबर