काठमाडौं, ५ चैत । गायिका मिलन नेवार र गायक रवि ओडको स्वरमा ‘पहरी फूल २’ बोलको गीत सार्वजनिक गरिएको छ । गीतमा राजु सिंहको संगीत र गिता गिरी शेरचनको शब्द रचना रहेको छ ।
प्रेमभाव झल्काउने गीतको भिडियोमा अभिनेता पुष्प खड्का र बिना राउतको अभिनय देख्न सकिन्छ । पहरी फूलको बारेमा वर्णन गर्दै प्रेमका कोमल शब्दहरुलाई गीतमा समेटिएको छ ।
पहाडी भेगमा पाइने पहरी फूलको विषयमा आफूले आम दर्शक तथा स्रोतामाझ पुर्याउन पाउँदा निकै खुशी लागेको गीतका प्रोडयुसर बसन्त घिमिरेले बताए । आफ्नी प्रेमीकालाई गीतमा गायक ढकालले पहाडकी रानी फूलको रुपमा सुन्दरता भरेको पहरी फूललाई चित्रण गरिएको छ ।
पहरामा फुलेको पहरी फूलले जीवनमा ल्याएको, मनमा उब्जिएको कौतुहलतालाई गीतमा समेटिएको गीतकार गीता सेरचनले बताइन् ।
प्रेम र रोदनलाई कलात्मकरुपमा गीतमा समेटिएको छ । नवराज खड्काको छायांकन, बन्दे प्रसादको सम्पादन तथा केशवराज भट्टको निर्देशनमा भिडियो तयार गरिएको छ ।
प्रतिक्रिया