दक्षिणकालीमा जिप दुर्घटना, एक जनाको मृत्यु, आठ घाइते

काठमाडौं, ६ चैत । काठमाडौं दक्षिणकाली नगरपालिका–८ शितल चोकमा जिप दुर्घटना हुँदा एक जनाको घटनास्थलमै ज्यान गएको छ। हेटौंडाबाट काठमाडौंतर्फ आउँदै गरेको ना.१ झ ३४२४ नम्बरको जिप मंगलबार दिउँसो दुर्घटना भएको हो। मृतकको पहिचान खुलेको छैन।
दुर्घटनामा घाइते भएका अन्य ८ जनालाई उपचारको लागि मनमोहन अस्पताल पठाइएको प्रहरीले जनाएको छ। जिप चालकलाई प्रहरीले नियन्त्रणमा लिएको छ।