१५ चैत्र २०८०, बिहिबार | Thu Mar 28 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

खेल


एसिया कपमा छनोट भएका क्रिकेटरलाई जनही ६ लाख दिने सरकारको निर्णय



काठमाडौं, २० वैशाख । एसिसी प्रिमियर कप क्रिकेट विजेता खेलाडीलाई सरकारले जनही ६ लाख रुपैयाँ नगद पुरस्कार दिने भएको छ।

मन्त्रिपरिषदकाे आज (बुधबार)  बसेको बैठकले खेलाडीलाई जनही ६ लाख रुपैयाँ र अफिसियललाई जनही ३ लाख रुपैयाँ नगद पुरस्कार दिने निर्णय गरेको सरकार प्रवक्ता एवं सञ्चार तथा सूचना प्रविधि मन्त्री रेखा शर्माले जानकारी दिइन्।

कीर्तिपुरस्थित त्रिवि क्रिकेट मैदानमा मंगलबार भएको फाइनल खेलमा युएईलाई ७ विकेटले हराएको थियो ।नेपाल एसिसी प्रिमियर कप विजेता बनेकाे थियाे। उक्त जितसँगै नेपाल एसिया कप क्रिकेटमा छनोट भएको छ।

खेलकुद पुरस्कार कार्यविधिअनुसार एसिसी प्रिमियर कप क्रिकेट विजेता खेलाडीले जनही ५ लाख रुपैयाँ पुरस्कार पाउने भए पनि मन्त्रिपरिषदले कार्यविधिमा भएको भन्दा १ लाख रूपैयाँ बढाएर जनही ६ लाख रुपैयाँ पुरस्कार दिने घोषणा गरेको हो।

मन्त्री शर्माका अनुसार कीर्तिपुर क्रिकेट मैदानलाई अन्तर्राष्ट्रिय स्तरको बनाउन आवश्यक रकमको व्यवस्था आगामी आर्थिक वर्ष २०८०/८१ को बजेटमा गर्ने निर्णय पनि भएकाे छ।

प्रकाशित मिति : २० बैशाख २०८०, बुधबार  ९ : ०९ बजे