बालेनले आफ्नो कार्यकक्षमा राखे ग्रेटर नेपालको नक्सा

२५ जेठ । काठमाडौं महानगरपालिकाका मेयर बालेन्द्र शाह (बालेन)को कार्यकक्षा ग्रेटर नेपालको नक्सा राखिएको छ । भारत भ्रमणमा रहेका मेयर शाहको कार्यकक्षमा उनैले भ्रमण जानुअघि ग्रेटर नेपालको नक्सा राख्न लगाएको उनको सचिवालयले जनाएकाे छ ।

हालैमात्र भारतमा नयाँ सांसद भवनमा नेपालको समेत भूभागलाई समेटेर ‘अखण्ड भारत’को नक्सा राखिएको विषय सार्वजनिक भएको थियो । यसैबीच मेयर शाहको कार्यकक्षमा पनि ग्रेटर नेपालको नक्सा राखिएको हो । मेयरको सचिवालयकाअनुसार बिहीबार बिहान यो नक्सा राखिएको हो । मेयर शाहले नै भारत जानुअघि यो नक्सा राख्न दिएको निर्देशनअनुरुप यो नक्सा राखिएको हो ।

यसअघिका मेयरहरुको पालामा पनि कार्यकक्षमा नक्सा थियो । नेपाल, भारत, चीनलगायतका मुलुकहरु समावेश रहेको थ्रि डि नक्सा नदिनलालगायतका भौगोलिक कुराहरु रहेको थियो ।