काठमाडौँ
३ पुस । ललितपुरमा आयोजना हुने तेस्रो कृष्णप्रसाद भट्टराई स्मृति राष्ट्रिय कराते प्रतियोगिताको लागि गोदावरी नगरपालिकाले १५ लाख रुपैयाँ दिने भएको छ ।
नेपाल सितोरियो कराते सङ्घ, जिल्ला प्रमुख डोजो, लगनखेलको आयोजनामा आगामी माघ १८ गतेदेखि सातदोबाटोस्थित कराते हलमा हुने कार्यक्रमका लागि गोदावरी नगरपालिकाले १५ लाख रुपैयाँ प्रायोजनका लागि दिने भएको हो ।
डोजोका अध्यक्ष दीपक श्रेष्ठ र र गोदावरी नगरपालिकाका मेयर गजेन्द्र महर्जनले १५ लाख नगद दिने सम्झौता पत्रमा हस्ताक्षर गरेका छन् ।
प्रतियोगितामा देशभरका सातै प्रदेश तथा तीन विभागीय टोली (नेपाली सेना, नेपाल प्रहरी र सशस्त्र प्रहरी बल) गरी १० टोलीका दुई सय १० खेलाडीको सहभागिता रहने डोजोका अध्यक्ष श्रेष्ठले जानकारी दिए । प्रत्येक टोली २१ खेलाडी सहभागी गराउन पाउनेछन् । एकल र टिम कातासहित पुरुषतर्फ नौ र महिलातर्फ आठ स्पर्धामा खेल हुनेछ ।
प्रतियोगितामा टिम च्याम्पियनले रु एक लाख तथा उपविजेताले रु ५० हजार तथा पुरुष÷महिलातर्फ उत्कृष्ट हुने खेलाडीले जनही रु २५ हजार पुरस्कार प्राप्त गर्ने छन् । आयोजक र गोदवारी नगरपालिकाबीच चार संस्करण प्रायोजन गर्ने पूर्व सहमति बमोजिम तेस्रो संस्करणका लागि पनि आजै सम्झौता पत्रमा हस्ताक्षर भएको छ । आयोजकका
प्रतिक्रिया