काठमाडौंको एक घरबाट ६० लाख बराबरको चोरी

२९ माघ । काठमाडौँको एक घरबाट आइतबार साँझ ६० लाख रुपैयाँ बराबरको धनमाल चोरी भएको छ । गोकर्णेश्‍वर नगरपालिका-४ माकालबारी नजिक बस्ने दुर्गा माया आलेमगरको घरमा सो चोरी भएको हो ।
घरमा कोही नभएको अवस्थामा सुन तथा चाँदीका विभिन्न गहना र नगद २५ लाख रुपैयाँ गरी करिब ६० लाख ४० हजार रुपैयाँ बराबरको धनमाल चोरी भएको प्रहरीको भनाई छ ।

यसैगरी काठमाडौँकै गोकर्णेश्‍वर नगरपालिका-३ गोकर्ण बस्ने गीता राईको घरबाट सुनका विभिन्न गहना तथा नगद समेत गरी करिब ३ लाख ४३ हजार रुपैयाँ बराबरको धनमाल आइतबार दिउँसो चोरी भएको छ ।