आज लोकतन्त्र दिवसमा कतारका राजा भ्रमणमा आउदै, सरकारले सार्वजनिक विदा दिने

काठमाडौँ
११ वैशाख । आज बैशाख ११ गते लोकतन्त्र दिवस । आजैका दिन पुर्वराजा ज्ञानेन्द्र शाहले २०६३ साल बैशाख ११ गते जनताको नासो जनतालाई बुझाएको घोषणा गरेका थिए । नेपालमा लोकतन्त्र स्थापना भएपछि राजतन्त्र समाप्तीको प्रकृया सुरु भएको थियो ।
अर्को संयोग, आज राष्ट्रपति रामचन्द्रको निमन्त्रणामा कतारका राजा शेख तमिम बिन हमाद अल थानी दुई दिने नेपाल भ्रमणका लागि काठमाडौँ आउदै छन् । कतारका अमिर थानीको राजकीय भ्रमणको अवसरमा सरकारले आज सार्वजनिक बिदा दिएको छ ।
कतारका राजा थानीलाई राष्ट्रपति रामचन्द्र पौडेलले स्वागत गर्दै छन् ।
परराष्ट्र मन्त्रालयका अनुसार राजा थानीलाई आज अपराहन्न ५ः ३५ मा त्रिभुवन अन्तर्राष्ट्रिय विमानस्थलमा राष्ट्रपति पौडेलले स्वागत गर्ने कार्यक्रम तय भएको छ ।

राजा थानीले भेटका क्रममा राष्ट्रपति रामचन्द्र पौडेलसँग औपचारिक भेटवार्ता गर्न छन् भने प्रधानमन्त्री पुष्पकमल दाहाल प्रचण्डसँग द्विपक्षिय भेटवार्ता हुने कार्यक्रम रहेको छ ।

कतारका राजाबाट पहिलोपटक यो भ्रमण हुन लागेको हो । भ्रमणका क्रममा दुई देशबीचको श्रम सम्झौतालाई परिस्कृत गर्ने लगायत विषयलाई उच्च प्राथमिकतामा राखिएको बताइएको छ ।