१३ जेष्ठ २०८१, आइतबार | Sun May 26 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

बागमती प्रदेश


मापदण्ड विपरित निर्माणाधिन क्रसर बन्द गर्न स्थानीयको माग



मुग्लिन (चितवन)
३० वैशाख । चितवनको इच्छाकामना–४ कुरिनटारमा निर्माण भइरहेको क्रसर उद्योगको निर्माण बन्द गर्न स्थानीयले माग गरेका छन् ।
कुरिनटार आएका उपप्रधानमन्त्री एवं गृहमन्त्री रवि लामिछानेसामु बस्ती नजिकै क्रसर उद्योग निर्माण भइरहेकाले तत्काल रोक्न माग गरेका हुन् ।

स्थानीय प्रकाश सिलवालले मापदण्डविपरीत बस्तीको बीचमा क्रसर उद्योग निर्माण भइरहेकाले तत्काल रोक्न गृहमन्त्री लामिछानेसामु माग गरे ।
स्थानीयको असहमति हुँदा पनि निर्माण नरोकिएको सिलवालको भनाइ छ । यसअघि स्वयं गृहमन्त्री र प्रमुख जिल्ला अधिकारीलाई जानकारी गराए पनि सुनुवाइ नभएको स्थानीयको भनाइ छ ।

गृहमन्त्री लामिछानेले मापदण्डविपरीत भए क्रसर उद्योग सञ्चालन गर्न रोक लगाउने आवश्वासन दिएका छन् । उनले मापदण्ड पूरा गरेको छ कि छैन, वातावरणीय प्रभाव मूल्याङ्कन (इआइए) गरेको छ कि छैन बुझेर कारबाही अघि बढाउन प्रमुख जिल्ला अधिकारी भूपेन्द्र थापालाई फोनमार्फत निर्देशन दिए ।
पालिकाले अनुमति दिँदा मापदण्ड पूरा गरेको छ कि छैन सबै प्रक्रिया बुझेर मापदण्डविपरीत भए निर्माण तत्काल रोक्न निर्देशन दिए ।
जवाफमा प्रमुख जिल्ला अधिकारी थापाले मङ्गलबारसम्म क्रसर उद्योग सञ्चालकलाई सबै प्रक्रियाको कागजात उपलब्ध गराउन समयसीमा दिइएको बताए । बस्तीको बीचमा क्रसर उद्योग निर्माण सुरु भएसँगै यहाँका स्थानीयले विरोध जनाउँदै आएका छन् ।

प्रकाशित मिति : ३० बैशाख २०८१, आइतबार  २ : २१ बजे