पनौतीमा स्कुटर दुर्घटनामा परेर युवकको मृत्यु

दुर्घटनापछि गम्भीर घाइते भएका उनलाई उपचारको लागि शिर मेमोरियल अस्पताल बनेपातर्फ लैजाने क्रममा बाटोमै मृत्यु भएको हो

काभ्रे
काभ्रेको पनौतीमा मोटरसाइकल र स्कूटर एक आपसमा ठक्कर खाँदा स्कुटर चालक युवकको मृत्यु भएको छ ।
प्रहरीका अनुसार पनौती नगरपालिका–५ धनेश्वरस्थित सडकमा बा.प्र. ०२–०२२ प ७५९७ नम्बरको स्कुटरलाई बा.७८ प ५९६५ नम्बरको मोटरसाइकलले मंगलबार दिउँसो ठक्कर दिँदा स्कुटर चालक सोही नगरपालिका–५ बस्ने ४२ वर्षीय रामकृष्ण कुँवरको मृत्यु भएको हो ।
दुर्घटनापछि गम्भीर घाइते भएका उनलाई उपचारको लागि शिर मेमोरियल अस्पताल बनेपातर्फ लैजाने क्रममा बाटोमै मृत्यु भएको हो ।
मोटरसाइकल चालकलाई प्रहरीले नियन्त्रणमा लिएर कानूनी कारवाही सुरु गरेको छ ।