हुम्लामा हिमपातपछिको सुन्दरता (तस्विरहरु)

सिमकोट (हुम्ला)
यो सिजनमा पहिलोपल्ट हिमाली जिल्ला हुम्लामा हिमपात भएको छ । हिमपातसँगै यहाँका गाँउपाखा सेताम्मे भएर सुन्दर देखिएको छ ।
आइतबार साँझदेखि मौसममा आएको फेरबदलका साथै दिउँसो हावाहुरी सुरु भएपछि गए रातिदेखि हिमपात सुरु भएको हो ।

यहाँमा हिमपात भएपछि स्थानीय किसान खुसी भएका छन् । हिउपरेपछि अन्नबाली सप्रन्छ ।

हुम्लीवासीले हिमपातपछि मौसम ठीक हुने र खेती सप्रिने विश्वास समेत राखेका छन् । हिमपातले गहुँ, जौ र उवा खेतीलाई राम्रो हुने भन्दै जिल्लाका किसान खुसी भएका छन् ।

हिमपातसँगै उत्तरी नाम्खाका चाला, लिमी, हिल्सा, यारीलगायतका क्षेत्रको जनजीवन प्रभावित भएको छ । हिमपातसँगै चिसो बढेको छ ।