२६ पुस । काठमाडौं नागार्जुन नगरपालिका ६ ह्वाईट गुम्बा नजिकै सडकमा जेसीबीको ठक्करबाट शुक्रबार एक जनाको मृत्यु भएको छ।
बा २ क ६०८८ नम्बरको जेसीबीको ठक्करबाट सोही नगरपालिका ६ बस्ने पंचकुमारी तामाङकी छोरी ११ वर्षीया अनुसा तामाङको शुक्रबार दिउँसो मृत्यु भएको हो।
ठक्करबाट गम्भीर घाइते भएकी उनको त्रिवि शिक्षण अस्पताल महाराजगंजमा उपचारको क्रममा मृत्यु भएको प्रहरीले जानकारी दिएको छ।
प्रहरीले जेसीबी चालकलाई नियन्त्रणमा लिएको छ।
प्रतिक्रिया