गायक मिठारामको ‘ललितपुरे दाई’ सार्वजनिक

चापागाँउ
गायक मिठाराम केसीले आफ्नो श्रृजनामा गीत ललितपुरे दाई सार्वजनिक गरेका छन् ।

गायक केसीले आफ्नै शब्द रचना, गायन तथा संगीतमा गायिका सुनिता थेगिमसँग दोहोरी शैलीमा गीत गाएका छन् ।
इलामे चेलीको रुपमा गायिका थेगिमले ललितपुरे दाई मिठाराम केसीसँग गीतमार्फत अन्तरसंवाद गरेकी छिन् ।

 

गीतले ललितपुरलाई संसारभर चिनाउन सकारात्मक भूमिका खेल्नेछ । यसको शुभारम्भकता हुन पाएकोमा आफूलाई भाग्यमानी सम्झेको छु

शनिबार ललितपुरको महालक्ष्मीस्थानस्थित एक पार्टी प्यालेसमा बरिष्ठ साहित्यकार मदन पुरस्कार विजेता डा.नवराज लम्सालले गीत औपचारिक रुपमा सार्वजनिक गरेका हुन् ।

फुल्चोकी कला केन्द्रले गीतसँगै भिडियो समेत निर्माण गरेर सार्वजनिक गरिएको हो । गीत म्युजिक नेपालमा रेकर्डिङ गरिएको छ । गीतको मिसिङ र मास्टिरिङ प्रकाश खरेलको छ । संगीत एरेञ्ज बलराम समालले गरेका छन् ।
भिडियो कृष्णभक्त महर्जनले निर्देशन गरेका छन् भने गीतको छायाँकन र सम्पादन विरेन्द्र भाट विपिनले गरेका छन् । भिडियोमा गायक केसीसँग मोडल रिना थापामगरले अभिनय गरेका छन् ।
गीत सार्वजनिकपछि साहित्यकार डा.लम्सालले कठीन भूभोल रहेको ललितपुरको पर्यटन विकासमा यो श्रृजना सहयोगी हुने विश्वास व्यक्त गरे । भने, ‘गीतले ललितपुरलाई संसारभर चिनाउन सकारात्मक भूमिका खेल्नेछ । यसको शुभारम्भकता हुन पाएकोमा आफूलाई भाग्यमानी सम्झेको छु ।’

 

कठीन भूगोल भएकै कारण ललितपुरको विकास प्रयास कठीन छ । यस्ता गीतले ललितपुरको विकास निर्माणमा जागरण पैदा पर्छ

गायक केसीले राजनीतिक क्षेत्रबाट यस्ता श्रृजनालाई महत्व दिएर प्रबद्र्धनमा सहयोग गर्न जरुरी रहेको बताए । भने, ‘भौतिक विकासलाई मात्रै महत्व दिनु भएन । गीत संगीत, कला र संस्केतीले समाजलाई सधै जीवन्त राख्छ । यसलाई बचाउनु र विकासित रुपमा अघि बढाउनु राज्यको दायित्व हो ।’
ललितपुर १ बाट संघीय संसदमा प्रतिनिधित्व गर्ने सांसद उदयसम्सेर राणाले चार भागमा विभाजित ललितपुरको भूगोललाई चिनाउन गीत संगीतको महत्वपूर्ण योगदान रहने बताए । भने,‘कठीन भूगोल भएकै कारण ललितपुरको विकास प्रयास कठीन छ । यस्ता गीतले ललितपुरको विकास निर्माणमा जागरण पैदा पर्छ ।’

उनले केही उसमय अघि ललितपुरको चिनारी भाग १ सार्वजनिक गरेका थिए । गायक केसी लामो समयदेखि समाजसेवा र राजनीतिमा समेत सक्रिय छन् । उनी लोक संगीतका पाखरी हुन् ।