सुन र चाँदीको भाउमा भारि गिरावट

काठमाडौं । सुन र चाँदीको मूल्यमा भारि गिरावट भएको छ । यसदिन सुन प्रतितोला तीन हजार ९०० रुपैयाँ घटेको छ भने चाँदी १२५ रुपैयाँले घटेको हो । दैनिक नयाँ रेकर्ड बनाइरहेको सुनको एकै दिन ठूलो गिरावट भएको हो ।

नेपाल सुनचाँदी व्यवसायी संघका अनुसार यस दिन छापावाल सुनको मूल्य प्रतितोला एक लाख ७६ हजार ४०० रुपैयाँमा कारोबार भईरहेको छ । बिहीबारको बजारमा छापावाल सुनको मूल्य प्रतितोला १ लाख ८० हजार ३०० रुपैयाँ खरिदबिक्री भएको थियो ।

यस दिन चाँदीको मूल्य पनि १२५ रुपैयाँले घटेको छ । शुक्रबार चाँदी प्रतितोला एक हजार ८७० रुपैयाँमा किनबेच भएको छ । बिहीबारको बजारमा चाँदी तोलाको एक हजार ९९५ रुपैयाँमा कारोबार भएको थियो ।