दक्षिण ललितपुरमा पहिरो, मन्त्रीलगायतको टोली अलपत्र

ललितखबर
हिजो दक्षिण ललितपुरको आश्राङमा अकाश्मात् आएको बाढीका कारण पहिरो गएको छ । पहिरोले सडक अवरुद्ध हुँदा वागमती प्रदेसका श्रम रोजगार तथा यातयातमन्त्री प्रेमभक्त महर्जनलगायतको टोली फर्कन नसकेपछि अलपत्र परेका छन् ।
सोमबार साँझ दक्षिण ललितपुरमा भिषण बर्षा भएपछि वागमती गाँउपालिका ६ आश्राङस्थित रुम्बा र वडा नंं ४ प्युटारको गडीभञ्ज्याङमा पहिरो गएको थियो ।
वागमती गाँउपालिका ७ गिम्दीमा भलिवल खेल शुभारम्भ कार्यक्रममा सहभागी हुन मन्त्री महर्जन सहितको टोली दक्षिण ललितपुर पुगेको थियो ।
वर्षापछि मन्त्री महर्जनसहितको टोली गिम्बदीबाट प्युटारसम्म आएको तर गडीभञ्ज्याङमा पहिरोको कारण सडक अवरुद्ध भएपछि स्थानीय चन्द्रसूर्य गेष्ट हाउसमा बसेर फर्केको स्थानीय प्रकाश थिङले ललितखबरलाई जानकारी दिए ।
गाउपालिका ५ आश्राङका वडाध्यक्ष नारायण भोम्जनका अनुसार गडीभञ्ज्याङको पहिरो राती अबेर खुलेको थियो भने रुम्बाको पहिरो आज विहान खुलाइएको छ । वडाध्यक्ष भोम्जनले भने, ‘जेसिविमा पर्याप्त तेल नभएकाले राम्रोसँग सडक खुलेको छैन । चाडै सुचारु हुन्छ ।’

सडक खुलेपछि मन्त्री महर्जनलगायतको टोली हेटौडा प्रस्थान गरिसकेको वडाध्यक्ष भोम्जनले जानकारी दिएका छन् ।