इमाडोलबाट लुभु सर्दै महालक्ष्मी नगरको मुख्यालय

ललितपुर
महालक्ष्मी नगरनगरपालिकाको मुख्यालय इमाडोलबाट लुभु सर्ने भएको छ ।
सोमबार बसेको मन्त्रिपरिषद् बैठकले ललितपुरको महालक्ष्मी नगरपालिकाको मुख्य कार्यालय लुभु सार्ने निर्णय गरेको छ ।
मन्त्रिपरिषद् निर्णय अनुसार महालक्ष्मी नगरपालिकाको केन्द्र वडा नम्बर ४ को कमलपोखरीबाट परिवर्तन गरी ८ नम्बर वडाको लुभु देवीस्थान कायम हुनेछ ।
इमाडोलमा रहेको नगरपालिकाको कार्यालय भाडामा बस्दै आएको थियो ।
बैठकले दाङको शान्तिनगर गाउँपालिकाको केन्द्र वडा नम्बर ४ को चिराघाटबाट ४ नम्बरकै जुम्लेकुला कायम गरेको छ ।